Huquqi
-Belgilangan talablarga javob beradigan ayrim turdagi mahsulotlar uchun nazarda tutilgan muvofiqlikni baholash shakli va sxemasini tanlash;
-O’z mahsulotlarini sertifikatlashni istagan mijoz ixtiyoriy ravishda tegishli akkreditatsiya doirasiga ega sertifikatlashtirish organini tanlaydi;
-sertifikatlashtirish organlarining noqonuniy xatti-harakatlari ustidan O‘zbekiston Respublikasining akkreditatsiya markaziga yoki boshqa vakolatli tashkilotlarga O‘zbekiston Respublikasi qonun hujjatlariga muvofiq shikoyat qilish;
-Mahsulotni sertifikatlash tartib-qoidalari va siz tanlagan sertifikatlashtirish organining xizmatlari narxi bilan tanishing.

Majburiyatlari

-sertifikatlangan mahsulotni sertifikatlash organlarining o‘zi yoki ular e’tirof etgan organlar bergan sertifikat mavjud bo‘lgan taqdirdagina realizatsiya qilishlari va uning normativ hujjatlar talablariga mos bo‘lishini ta’minlashlari;
-sertifikatlangan mahsulotni, basharti, u normativ hujjat talablariga muvofiq kelmasa, shuningdek sertifikatning amal qilish muddati tugagan yoxud uning amal qilishi sertifikatlashtirish organining qarori bilan to‘xtatib qo‘yilgan yoki bekor qilingan bo‘lsa, realizatsiya qilishni to‘xtatib qo‘yishlari yoki tugatishlari;
-majburiy sertifikatlashtirilishi lozim bo‘lgan mahsulotni sertifikatlashtiruvchi va sertifikatlangan mahsulotni nazorat qiluvchi organlarning mansabdor shaxslari o‘z vakolatlarini moneliksiz bajarishlari uchun sharoit yaratishlari;
-sertifikatlangan mahsulot ishlab chiqarishning texnikaviy hujjatlariga yoki texnologik jarayoniga kiritilgan o‘zgartishlar haqida sertifikatlashtirish organini belgilangan tartibda xabardor etishlari;
-ilova qilingan texnik hujjatda mahsulot muvofiq kelishi lozim bo‘lgan sertifikatlashtirish to‘g‘risidagi ma’lumotlarni hamda normativ hujjatlarni ko‘rsatishlari va bu ma’lumotlar iste’molchi (xaridor, buyurtmachi) e’tiboriga yetkazilishini ta’minlashlari shart.