“Zakovat” intellektual o‘yini o‘tkazildi

Qishloq xo‘jaligi vazirligi huzuridagi Qishloq xo‘jaligi texnikasi va texnologiyalarini sertifikatlash va sinash markazida xodimlarning bilim salohiyati va darajasini oshirish, dunyoqarashini kengaytirish maqsadida, 30 yoshgacha bo‘lgan yoshlar o‘rtasida “Zakovat” intellektual musobaqasi tashkil etildi. Musobaqada 12 nafar yoshlardan iborat “Kelajak muhandislari” va “Yosh muhandislar” jamoalari qatnashdi.

Yoshlarning aql va zehnini yanada charhlash, bilim ko‘nikmalarini oshirish, ularning bo‘sh vaqtlarini foydali tashkil etish, intellektual salohiyatini yana-da yuksaltirib borish maqsadida o‘tkazilgan o‘yinning har bir turida qiziqarli va mantiqiy savollar berildi.

Ushbu o‘yinda mantiqiy fikrlash, tarix, badiiy ijodga oid savollar o‘rtaga tashlandi.

O‘yin natijalariga ko‘ra, “Kelajak muhandislari” jamoasi g‘olib bo‘ldi. “Zakovat” intellektual o‘yini so‘ngida Markaz direktori M.A.Xakimov barchaga ishtiroki uchun minnatdorchilik bildirib, Prezidentimizning “Ma’naviyatni yuksaltirish, yoshlar o’rtasida kitobxonlik madaniyatini shakllantirish, kitob mutolaasi insonni ma’naviy kamolot sari yetaklashini, insonni har tomonlama yetuk, komil shaxs sifatida shakllanishidagi o’rni nihoyatda beqiyos” degan chuqur ma’noli so‘zlariga amal qilish kerakligini ta’kidladi.

Buning uchun esa Markaz kitobxonasida zarur shart-sharoitlar mavjud ekanligi hamda kutubxona fondini yanada boyitish maqsadida Prezident asarlari, badiiy va renessans davriga oid kitoblar xarid qilinayotganligini bildirdi.

G‘olib jamoa a’zolariga diplom va esdalik sovg‘alari topshirildi.