Markaz moddiy texnika bazasini mustahkamlashning yangi bosqichlari

Joriy yilning 1-август kuni “Oziq-ovqat va qishloq xo‘jaligi sohasida strategik rivojlanish va tadqiqotlar qilish xalqaro markazi” mas’ul xodimlari G.Axmedova, B.Abdullayev, Л.А.Олейник, “Design, reconstruction and supply of equipment for the Center of Certification and Testing of Agricultural Machinery and Technologies under the Ministry of Agriculture” loyihasi golibi “Asya Ekonomi Yatirim Danismanligi Tarim ve Orman Urunleri Insaat Turizm SAN.TIC.Ltd.STI”  kompaniyasi rahbari Ibrahim Sanci bilan birgalikda Qishloq xo‘jaligi texnikasi va texnologiyalarini sertifikatlash va sinash markazi direktori M.Xakimov va loyihalar bo‘yicha mas’ul xodim Sh.Nishanaliyev ishtirokida Markazda texnik shartlar talablariga muvofiq 4 ta (400 m, 35 m, 100 m va aylanma) treklar qurilishini amalga oshirish bo‘yicha muzokara o‘tkazildi.

Bunda asosiy maqsad – xalqaro standart talablari asosida traktorlarning har bir harakatlanish uzatmasida tortish quvvati, maksimal tortish kuchi, foydali ish koeffitsiyenti, yoqilg‘i sarfi, g‘ildiraklarni shataksirashi, chidamliligi, operator ish joyidagi shovqin miqdori, o‘ziyurar qishloq xo‘jaligi texnikalarining operatorga tebranishlar ta’siri,  chidamliligi  hamda og‘irligi 29 t gacha bo‘lgan tirkamalarning yurish qismi (shassi) chidamliligi, yuklamalarning gidrotizimga, traktor kabinasiga, osma butlovchi qismlariga ta’sirini sinash uchun zarur sun’iy treklar qurilishini amalga oshirishdan iborat.

Uzunligi 400 m va kengligi 4,0 m bo‘lgan suniy tekis beton trek qurilishi amalga oshiriladi.

Ushbu trekda ISO 789-9 xalqaro standarti talablari bo‘yicha ma’lumot yig‘ish tizimi va dasturiy ta’minot bilan jihozlangan (yoqilg‘i sarfini o‘lchash vositasi va barcha zarur o‘lchash jihozlari bilan birga) yuklash mashinasi yordamida traktorlarning har bir harakatlanish uzatmasida tortish quvvati, yuklama mashinasidan traktorlarda operator ish joyidagi shovqin miqdori, traktorning harakat tezligi, taktorning yoqilg‘i sarfi, foydali ish koeffitsiyenti, g‘ildiraklarning shataksirashi hamda maksimal tortish kuchini aniqlash bo‘yicha sinovlar o‘tkaziladi.

Uzunligi 35 m bo‘lgan notekis yuzaga va uzunligi 100 m bo‘lgan silliq yuzaga ega ikki polosali trek qurilishi amalga oshiriladi.

Ushbu trekda ISO 5008:2002 va ISO 8041:2005 xalqaro xalqaro standartlari talablari bo‘yicha traktor va o‘ziyurar qishloq xo‘jaligi texnikalarining operatorga tebranishlar ta’siri, korrektirlashtirilgan tebratezlanishning urtacha kvadratik qiymati, operatorning tana tebranishi davomiyligi, traktorning 10, 12, 14 km/soat harakat tezliklaridagi tebranishlar, 3 ta o‘q (x, y va z) bo‘ylab tezlanishlar o‘lchami, boshqaruv organlarining va operator o‘rindig‘ining tebranishlar amplitudasi, chidamliligi, tebrinashlarni butlovchi qisimlarga va yurish qisimiga ta’siri tebranishlarni tahlilini o‘lchash vositasi, TYPE-GS turdagi radiolokatsion dopler datchigi va ma’lumot yig‘ish tizimi orqali aniqlanadi.

Radiusi 20 m bo‘lgan aylanma beton trek qurilishi amalga oshiriladi.

Ushbu trekda ISO 798-9 xalqaro standarti bo‘yicha og‘irligi 29 t gacha bo‘lgan tirkamalarning sinovini o‘tkazish uchun 15 km/soat gacha bo‘lgan tezlikda texnikalarning  yurish qismi (shassi) chidamliligi, gidrotizimga ta’siri,  kabinaga ta’siri, osma butlovchi qismlarga ta’siri aniqlanadi.

Ushbu ko‘rsatkichlarning aniqlanishi Markazning xalqaro akkretidatsiya talablarining bajarilishiga, sinov sifatining oshishiga hamda xalqaro standart talablari bo‘yicha sinovlarning to‘laqonli o‘tkazilishiga erishiladi.